دخولبحـثالتسجيلالتسجيلالرئيسية

شاطر | 
 

 ثقافة النق

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
HAS.SASLOVE
::: نائب المدير العام :::
::: نائب المدير العام :::
avatar

ذكر
الاسد
الفأر
عدد المساهمات : 18050
تاريخ الميلاد : 12/08/1912
العمر : 105
العمل/الترفيه : مساعدة الاخرين لابعد الحدود ......
المزاج : غير شكل ........
مزاجك اليوم :
المهنة :
الهواية :
السٌّمعَة : 75
نقاط : 17412
تاريخ التسجيل : 30/07/2010

مُساهمةموضوع: ثقافة النق   22/1/2012, 9:51 am

ثقافة النق

بالفرح بالزعل....منق
وقت بنكره ولما منحب ....منق
لما منكون فاضيين أو حتى مشغولين.....منق
صبح ومسا وكل شي عنا بينتسى إلا النق
بالجد وبالمزح.....منق

::: جذور النق :::

الشاب ) شباب وصبايا) منين بيجيبوا هالنق ؟!؟!؟
باختصار بجيب النق من بيت أبوه حبيبي.....لا عن جد عم أحكي ما عم أمزح
فنحن جيل اعتاد على التربية النقاقة....
قوم فيق صارت الساعة ستة
تعال اتغدى
جاي جاي
يلا قوم اتغدى
جاي بس دقيقتين
يلا تعال اتغدى....قوم اتغدى هلأ بيبرد الأكل
قوم اتغدى يلا....
وفي السهرة :
تعال تعشا ما تغديت منيح لأنك...
تعال تعشى...ما بدك تتعشى...يلا قوم ع العشا....

::: حكاية نق :::

في سنة البكالوريا: إيمتى بدي خلص وفوت ع الجامعة بقا (( وبيضل بينق وينق وبينسى يدرس.....))

في السنة الأولى للجامعة:أووف شو عم حن لأيام المدرسة... إيمتى بدي أتخرج يالله هف لسه كم سنة هفف

بعد التخرج : ييي شو مشتاق لرفقاتي بالجامعة وكيف كنا ....هفف يا ريتنا ما تخرجنا ضاق خلقي من النوم للضهر والطلعات والفرجة ع التلفزيون بدي اشتغل واستقر

بعد الشغل : تضرب هالحياة من البيت للشغل وبعدين بتحكيلك كم تلفون وبتحط راسك وبتنام لتفيق ع الشغل...شو هالعيشة هفف والله شي بملل...حياة بتقصر العمر

خطب بنت بحبها:هفف إيمتى بدنا نتزوج ونكون مع بعض لوحدنا...

أتجوزوا:
هفف من هالروتين والله شي بملل شو رأيك نجيب ولد

صار الشب أبو العيال: لك شو هالبلوة بدي ضل عم زق غراض متل الحمار...هفف ع هالعيشة يرحم أيام كنا راسين....وقت كنا مو فاضيين غير للحب

::: أعزائي الأعضاء كنتم مع مسلسل هفف من بطولة نقاق :::

::: جاي على بالي نق :::

صار النق في حياتنا حالة طبيعية اعتيادية وعفوية....فمن دون أن نقصد ننق
فإذا التقت فتاة بشاب وأحببته ( وصار في علاقة ) وبدأ روميو زمانه يعمل رجال عليها ويبلش يسألها وين رايحة منين جاية وينق إذا لبست هيك أو إذا ضحكت هيك أو إذا قالت هيك....هنا تبدأ الفتاة بدورها الهام وتقوم بالنق على رأسه ( أنا هيك..أنت عم تشك فيني..شو مافي ثقة..أنت عم تحكم على علاقتنا بالنهاية إذا بدك تضل غيور ..وعلى إيهي إيهي ) ومن كتر نق جوليت على رأس روميو...يقرر روميو يطنش ويعطيها حريتها
وما هي إلا أيام حتى تعود جولييت إلى نقها ولكن بطريقة مختلفة
ليش ما عم تسأل علي...تأخرت اليوم ليش ما دقيتلي تطمن عليي...ما شفته كيف كان عم يطلع فيني....أجاني ميس كول من رقم غريب وما حاولت تعرف مين صاحب الرقم..شو شايفة ما عاد فرقت معك إذا لبست هالتنورة...)) قلي فهمني شو بدك !!؟!!!

::: نقاق شرقي :::

شاب شرقي نقاق : أنا بدي امرأة مثقفة ارتبط فيها تفهم عليي شو بحكي وتناقشني فيه ويكون عندها وجهة نظرها يلي تدافع عنها
((
بعد الزواج من المثقفة والذي لم يستمر أكثر من 3 أشهر ))

الشاب شرقي النقاق :
طلعتلي روحي بضل حاطة راسها بالكتاب...لا بهمها طبخ ولا نفخ...بعدين بضل عم تجادلني...وعلى وجهة نظري ووجهة نظرك هديك المرة لسختها كف طيرتلها وجهها كله مو بس وجهة نظرها...هفف أن بدي وحدة حنونة تسايرني
((
بعد زواجه من الحنونة الذي لم ولن يستمر أكثر من شهرين ))

الشاب شرقي النقاق : قرفتني حياتي دايماً بالمطبخ وشو ما قلتلها بتقول حاضر.
كيف بدها تربي ولادي على هالشخصية الانهزامية لا بتهش ولا بتنش وحتى لما طلقتها بكيت شوي وما حكيت معي ولا كلمة يا زلمة.....
لك أنا بدي وحدة حلوة ست بتفهم بالاتيكيت....
(( بعد زواجه من ست الصالون الذي لم ولن يستمر أكثر من شهر ))
الشاب شرقي النقاق : هفف يا زلمة هلكتني بمصاريف اللبس والمكياج تبعها هالمفزلكة يخرب بيتها شو فاضية ما في ولا مرة قرأت شي كتاب وشو ما بتحاكيها بتقلك ما بعرف وشو يعني....(( لك أنا ما بقدر غير عيش مع وحدة مثقفة يا زلمة ))
ويستمر الشاب شرقي النقاق بالنق إلى أن يأخذ الله أمانته
أجمل ما في الأرواح أنها لا تملك لسان لتنق....أي والله

::: شعب بنق ليوم النق :::

والشعب بشكل عام نقااااااااااااااااق .....

ها ها سألتني ليش لأنو يا أخي نحنا على طول بنقول شوف أوربا ما أحلا شوارعها
شوف العالم شلون.....شوف شوف السير عندهم شوف النظافة....
شوف........أي شفت (( شبك حبكت معك شوف شوف ))
ما نحن هون بالبلد لم فرض وضع حزام الأمان للسائقين
قمنا الدنيا وما قعدناها وصرنا نق ونسق
والله بدفع الغرامة وما بحط الحزام...شو بدهون يتحكموا فينا
وقال شو بدهون يقلدوا بلاد برا قال...!!؟ !؟!؟!؟!!

آآآآآآآآآآآآآآآآيـــــــه سكتنا ما عاد نق...
هلأ دوركون لتنقواااااااااااااااااااااااا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dimmu
::: المشرفة العامة :::
::: المشرفة العامة :::
avatar

انثى
الميزان
الديك
عدد المساهمات : 4596
تاريخ الميلاد : 14/10/1993
العمر : 24
العمل/الترفيه : طالبة
المزاج : not bad
علم الدولة :
مزاجك اليوم :
المهنة :
الهواية :
السٌّمعَة : 40
نقاط : 5493
تاريخ التسجيل : 16/01/2009

مُساهمةموضوع: رد: ثقافة النق   22/1/2012, 4:44 pm

هههههههههههههههه حساس ضاج راسييييييييييييييييييي

حاج نقققققققق

ميرسيتو عالموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أسيرة الظلام
كبــار الشــخصيات
كبــار الشــخصيات
avatar

انثى
الدلو
الماعز
عدد المساهمات : 15330
تاريخ الميلاد : 02/02/1992
العمر : 25
العمل/الترفيه : كهربا يوك .. نت ستوك
المزاج : بحبك كتير شلة سوريا
علم الدولة :
مزاجك اليوم :
المهنة :
الهواية :
السٌّمعَة : 66
نقاط : 12995
تاريخ التسجيل : 09/09/2009

مُساهمةموضوع: رد: ثقافة النق   27/1/2012, 8:12 pm


ولي عليك لسه نق ونق
هههههههههههههههههههههههههههه
موضوع نهفة
وبيسلي كتير
كترون لهالموضيع أحسن مابلش نق بوجهك ههه

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
HAS.SASLOVE
::: نائب المدير العام :::
::: نائب المدير العام :::
avatar

ذكر
الاسد
الفأر
عدد المساهمات : 18050
تاريخ الميلاد : 12/08/1912
العمر : 105
العمل/الترفيه : مساعدة الاخرين لابعد الحدود ......
المزاج : غير شكل ........
مزاجك اليوم :
المهنة :
الهواية :
السٌّمعَة : 75
نقاط : 17412
تاريخ التسجيل : 30/07/2010

مُساهمةموضوع: رد: ثقافة النق   30/1/2012, 12:35 pm

نورتوا يا نقاقين ههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ثقافة النق
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شلة سوريا :: ¨¨°؛©o.,,.o©؛°¨¨°؛© الـمـنـتـدى التــــرفـــيـــهي ©؛°¨¨°؛©o.,,.o©؛°¨¨ :: اضحك وامرح Laugh and fun-
انتقل الى: